Ev komxebat, ku ji hêla Noémi Levy-Aksu û Derya Bozarslan ji Navenda Heqîqet Dadwerî û Bîrê ve hatiye sêwirandin, qatên bîrê yên li ser hev kom bûne yên li herêma Sura Amedê — şopên Ermenî, Suryanî, Kurd û civakên din — tîne cem hev û balê dikişîne ser rûbirûbûna bi raboriyê re û avakirina zemînekî bibîranînê yê hevpar. Armanc ne tenê bibîranîna jiyanên windabûyî ye; armanc ew e ku vegotinên di bîra mekan de hatine tepisandin, jêbirin an ji hev hatine qutkirin ji nû ve bigihîne hev. Komxebat zelal dike ku di bajarekî ku bi şer, wêranî û koçberiyê şêwe girtiye de, peywendiya ciwanan a bi bîrê, raborîyê û hev re xurt bike. Beşdar, bi rêya meş, vegotinên devkî û rawestgehên mekanî, dê di kolanên ku hem şahidîya bêdengiya 1915an, hem tariya 1990an û hem jî wêraniya 2015an kirine de, hewl bidin ku dengê piralî yê aştî û jiyana bi hev re ji nû ve bibihîzin. Bi vê aliyê xwe, komxebat rûbirûbûna bi raboriyê re wekî parçeyek ji çanda demokratîk a îro dibîne; zelal dike ku aştîyê bi pratîka bibîranîn, guhdarkirin û fikirîna bi hev re ava bike.
Encama herî girîng a komxebatê dê meşeke bîrê ya kolektîf û nexşeya bîrê ya dîjîtal be ku bîra piralî ya Surê belge dike û şahidîyên civakên cuda tîne cem hev. Beşdar dê di dema meşê de bi rêya tomarên deng, not, wêne û vîdyoyên kurt ên aîdî mekanan şahidiyên xwe ava bikin; ev materyal dê paşê di atleseke bîrê ya hevpar de werin yekkirin. Atolye di heman demê de dê bi vîdyo û wêneyên ku şêwazên peywendiya ciwanan a bi bîrê re û rola rûbirûbûna bi raborîyê re di pêvajoya aştîyê de xuya dikin, were belgekirin. Meş dê bi bibîranîneke bêdeng a li Goristana Ermenîyan bi dawî bibe; ev bibîranîn, bi anîna cem hev a windahîyên civakên cuda di bêdengiyeke hevpar de, bi pratîka "karîna şîngirtina bi hev re" dê beşdarî zemîna civakî ya aştîyê bibe. Bi vî rengî proje ne tenê dê şopa raboriyê bişopîne; bi rêya ciwanên îro, dê hêza veguherîner û onarker a bibîranîna hevpar derxîne holê.
Ziman: Kurdî, Tirkî û Îngilîzî
Beşdarî: Ji bo ciwanên di koma temenê 18-35 salî de vekirî ye.
Kontenjan: 25 kes
Instagram: @hakikatadalet
X: @hakikatadalet
Web: https://hakikatadalethafiza.org