EV ÇALAKÎ BI DAWÎ BÛ
Ev komxebat ji hêla derhêner û lîstikvan Aram Dildar û komedyen Guli Yakan ve hatiye sêwirandin û îlhama xwe ji romana Umberto Eco ya bi navê "Navê Gulê" (Il nome della rosa) digire; mîzahê wekî şêwazeke ramanê û qada azadîyê digire dest. Tê zelalkirin ku beşdar bi rêya mîzahê ramana rexneyî, îfadeya afirîner û jêhatîbûna nêrîna li cîhanê ji alîyên cihêreng pêş bixin.
Mîzah ne tenê amûreke şahîyê ye; ew pratîkeke azadîyê ya afirîner e ku li hemberî desthilatdarî, dogma û tirsê disekine. Wekî ku Eco destnîşan dike ku çalakîya kenê qalibên ramanê yên hişk ên mirov dişkîne, rê li ber şirovekirina rastîyê vedike û wêrekîyê dide kesê ku cîhanê ji alîyeke din ve bibîne. Bi vê têgihiştinê, komxebat qadeke rahênana ramanî pêşkêş dike ku xeyal, hesta rexneyî û hêza îfadeya azad a beşdaran xwedî dike.
Di dawiya komxebatê de beşdar dê şanoyên stand-up ên kurt ên ku ji çavdêrî û ezmûnên xwe amade kirine, pêşkêş bikin. Ev performans dibe sedem ku destkeftîyên ramanî yên di dema komxebatê de pêşketine veguherîn hilberînek berbiçav. Beşdar ne tenê mîzahê bi awayekî teorîk nîqaş dikin, lê wê wekî şêwazeke îfadeyê ya ku li ser dikê ku dijî û diguhere diceribînin. Piştî vê komxebata ku dê çar rojan bidome, di 16ê Gulanê de performansa stand-upê a ku dê bi beşdarên komxebatê re were kirin, berhema afirîner û entelektuel a komxebatê vediguherîne pratîkeke rastîn û bawerî û wêrekiya îfadeyê dide beşdaran.
Têbînîyeke girîng: Ev komxebat dê çar rojên li pey hev were lidarxistin. Ji beşdaran tê xwestin ku beşdarî her çar rojên komxebatan bibin da ku bikaribin di 16ê Gulanê de li ser dikê performansê pêşkêş bikin.
Ziman: Kurdî
Beşdarî: Ji her kesî re vekirî ye, lê bi taybetî beşdariya kesên ku dixwazin di nivîsandin û pêşkêşkirina naveroka stand-up de pratîkê bikin tê teşwîqkirin.
Kontenjan: 15 kes
Aram Dildar
Instagram: @aramdildar
Guli Yakan
Instagram: @guliyakan