Tîma me; civakeke navdîsîplîna ku li Kolombiya, Afrîkaya Başûr, Keyaniya Yekbûyî û Tirkiyeyê xwedî cerebeyeke berfireh e û pisporiyên akademîk û pratîkî di qadên aştî, pevçûn, perwerde, perwerdehiya gel, perwerdehiya karkeran û pedagojiya rexneyî de tîne cem hev. Ev piralîbûn, derfetê dide me ku em perspektîfên beramberî li ser rola perwerdeyê di pevçûn û avakirina aştiyê de pêşkêş bikin û em ji çîrokên têkoşîn û berxwedanê yên di çarçoveyên cuda yên cîhanî de sûd werbigirin. Xebatên Mario Novelli yên ku li ser perwerdehiya gerdûnî û pevçûnê, pisporiya Birgül Kutan a ku li ser demokrasî û tevgerên civakî yên ku li Tirkiyeyê, cerebeyq Berenice Celeita ya li ser pêvajoyên aştiyê yên bingehîn ên li Kolombiyayê, beşdariyên Prof. Salim Vally yên ky li ser perwerdehiya dadperweriya civakî ya piştî apartheidê û xebatên Prof. Fatma Gök ên ku li ser perwerdehiya gel û tevgerên civakî yên ku di asta navneteweyî de tê naskirin, hawirdoreke dewlemend a fêrbûna dersînor diafirînin; Birgül Kutan dê di veguhastina vê ezmûnê de bo çarçoveya sosyopolîtîk a resen a Amedê roleke sereke bilîze.
Nêzîkatiya me ya ku xwe dispêre pedagojiyên li ser bingeha diyalogê û navend-civakî, zanîn û kirdebûna civakên herêmî dixe navendê; balê dikişîne li ser avakirina aştiyê ya ji binî ve, bîra kolektîf û perwerdehiya veguherînêr a ku li dijî tundiya avahîsaziyê derdikeve. Ev atolye ya ku nîqaşên teorîk, diyalogên beşdar, fikirîna kolektîf a rexneyî û çalakiyên pratîkî tîne cem hev; ji nû ve fikirîna rola perwerdeyê di avakirina aştiyeke berfireh û adil de, xebata bi komên dezavantajkirî re bi taybetî ciwan û jinên Kurd dixe pêşiyê û armanc dike ku girêdanên di navbera aktorên aştiyê yên herêmî-gerdûnî de xurt bike. Di dawiya atolyeyê de beşdar; dê çarçoveyek pedagojiya rexneyî ya ku ji bo Amed û herêma Kurd a berfireh hatiye guncavkirin pêş xistibin, dê ji bo pratîkên perwerdehiya veguherînêr, stratejî û amûrên nû bi dest xistibin, dê deng û serokatiya civakên dezavantajkirî xuya bikin, dê torên xwe yên herêmî û navneteweyî berfireh bikin, dê ji bo hevkariya piştî Forumê derfetên nû diyar bikin û dê beşdarî cihgirtina perspektîfa perwerdehiya rexneyî û dadperweriyê di danezana dawî ya Forumê de bibin.
Ziman: Tirkî, Îspanyolî û Îngilîzî (Bi piştgiriya wergera Kurdî-Tirkî)
Beşdarî: Ji her kesî re vekirî ye û bi taybetî profesyonel û lêkolînerên ku di qada perwerdeyê de dixebitin têne teşvîqkirin.
Kapasîte: 20 kes